Se a lóxica da obra debe ser diferente da lóxica do sistema, daquela, no vídeo poema, é a parte técnica a que representa o sistema, coa súa cibernética, a súa primacía do visual, a súa procura do sublime tecnolóxico. Pola contra, o texto, espido ante os alardes da sociedade liberal-burguesa e o seu progreso científico-técnico, represéntase a si mesmo. A súa bandeira é a da poesía, a do signo e a do cisne.