Por quen estes ardores,

Por quen o doloroso acendemento

Que brilla nos amores,

Fatiga o pensamento

E verte sobre as almas o tormento

Dun día que pasou,

Dun tempo derrubado de beleza,

Dos meses en que andou

Furando a natureza

Dos lumes en tamaña sutileza.

Quen brinca polo outono

E erguido polos coiros do tambor

Percibe no abandono

O fríxido tremor

Da porta de saída do solpor.

Quen chama pola morte

Do alto dunha torre derrubada

E quen sen moita sorte

Encontra abandonada

A senda que se inclina apresurada.

Descargar libro enteiro

A mácula feroz da fermosura en formato pdf

A mácula feroz da fermosura en forma epub