Peixe grande e iluminado, 

condúcenos ao mar. 

Mestura de animal acuático e humano,

celeste criatura, 

mergulla nesas augas que percorres

o nada en que habitamos, 

e fai virar a onda,

a vaga oscilación do ímputo e a raiba, 

a saña do tumulto,

a cólera e a dor, 

oh peixe luminoso, 

pacífico e letrado, 

e dobra esta corrente 

dos tempos afundidos, 

dos días a caer,

curva este devir da claridade,

e brilla na presenza e na extensión, 

peixe grande e mesturado,

terreno e estelar,

de lama e de luceiros,

figura,

personaxe.